دنياك
دنياك هذي كلها هز قاووق
ما تعرف الصاحب من اللي معاديك
المال دايم صاحبه مرتفع فوق
المال دايم صاحبه مرتفع فوق
و القل خايب لو ترفعت يرخيك
يا عبد هون كل مطرود ملحوق
يا عبد هون كل مطرود ملحوق
لا تشتحن لك رب ما هو مخليك
اللي جعل لك روح جاعلك مرزوق
اللي جعل لك روح جاعلك مرزوق
كما تكفل بك من الخلق كافيك
يعطي و باب الرزق ما هو بمغلوق
يعطي و باب الرزق ما هو بمغلوق
و ليا طلبته و أنت محتاج يعطيك
الرزق له حبسه و له وقت مطلوق
الرزق له حبسه و له وقت مطلوق
و إن مت ظلا عند قبرك يناديك
و الموت جايك لو تقع جوف صندوق
و الموت جايك لو تقع جوف صندوق
دع عنك ما بك من حذر لا يعنيك
لا تنشغل بالمال و المال ممحوق
لا تنشغل بالمال و المال ممحوق
ما مالك إلا ما تمــــــــــــــده أياديك
الجار و العاني لهم شرط و حقوق
الجار و العاني لهم شرط و حقوق
و الضيف واجب تكرمه يوم يلاقيك
صون الأمانة و اظهر الهرج بصدوق
صون الأمانة و اظهر الهرج بصدوق
و لا تعاشر صاحب الكذب يعديك
اترك طريقة كل عاشق و معشوق
اترك طريقة كل عاشق و معشوق
يرمي بروحك في الشرك ثم يرميك
و بالصبر تغلب صاحب العزم يا شوق
و بالصبر تغلب صاحب العزم يا شوق
و العزم طيب مير حزات يرميك
افرح ليا منك عن الشر مدروق
افرح ليا منك عن الشر مدروق
و احذر صديقك و احذر اللي يواليك
يا رب تجعلني من النار معتوق
يا رب تجعلني من النار معتوق
و اجعل ختامي طيب يوم ألاقيك
